بقلم... مجدي الجندي
أكتب واقولك ايه
ياللي وقفالي
علي كل ناصية من نواصي خيالي
حاتسمحي إمتي
لجل كلامي يبقي
رؤيا في احلامك
وامتي وامتي كمان
ابلل ريقي من عينك
وامسح دموعي من علي جبينك
والف نور الفجر ..توب علي جسمك
والم من ندي الصبح...نقط حسنك
آخرة سكاتك ايه
قلبي اشتكالي منك
ودماغي من صبرها
حاتقوله ايه عنك
ندرن علي قلبي
يوم ماتتكلمي
لغزل كلامك شال
ينقال في ميت موال
كل اللي حايردده
يسمع صدي فرحته
في قلب اللي بتحبه
بقلمي..Magdy ELgendy
ليست هناك تعليقات:
إرسال تعليق