__________..............**"""""""""**"""**""**"*
كم مره خلفتى الميعاد
بعد ماتحلفى
اتحججى وبالف وش
فى الزحام تهربى
طب قولى امتى
هاتصدقى وماتختفى
كل اسباب الغياب
بقت سراب منتهى
سيبى الوداد لاصحابه
طيب وارحلى
او حاولى ولو مره
تصبرى وتتمسكى
حلمى الصغير و القديم
ويا حلمك مربوطين
بخيط اخضر حرير
فى رجل الحمام المسافر
جابلى رساله لسه باقيه
من ذكرياتنا وقت الصفا
قبل ما تنكرى
المشاعر اللى بينا
وتتعلمى سحر
الهروب والغياب
القرب باب
والبعد باب
واللقا تاب من الانتظار
حلف يكون عزيز شويه
ويمسك لجام الميعاد
العشق غاب وداب
بعد عذاب الاشتياق
الفكره انسحبت بهدؤ
وانكسار من الدماغ
لما شافت قسوة غيابك
كام سبب وكام حجه
وكام عذر سابقوا
غيابك الطويل
والدم بارد فى العروق
زى لحظات سكون النسيم
فى عز الظهر العقيم
ودويت نفسى بامنيات
زى انتظار مفاجئه مفرحه
او خبر سعيد
العيد اجل معاده
والساعه بتخرف
.انا فكرى متحرف
وكلامى بالشقلوب
وحروفى سكرانه
ودموعى حيرانه
والشط مش باين
ومكان لقانا زمان
هرب مع رملة الامواج
.اطلال الماضى الصادق
بتتحسر على الموعد
.انا عمرى ماخلفت فى الموعد
ولا وعدت حد بشىء
ولا حتى فى احلامى
ولا بخلف عمرى عهد
وبيظبطوا عليا
الساعه فى الموقف
ويتاكدوا من صحة الاعداد
لانى انا العداد
واناالعقرب وانا البندول
وانا المينا والساعه
..بس كمان بزعل الباعه
وبضايق كل من يخاف
او يهرب من وعوده بالطاعه
.كمان سماعة الدكتور
شاهده على قلبى.
دقاته مرتاعه ومش مرتاحه
..صابره بصراحه.
عيونها دباحه
..خدودها فواحه زى تفاحه
.والشفايف حالفه ما تنطق
ولا بلوم ولا بتصبيره
ولا بسمه ترد الروح.
منا المجروح بسهم عيونك
وانا المستنى من بدرى
وانا اللى بتمنى تصدق يوم
فى ميعادها
...................
بقلم/ محمد العليمى
