حدف الموج الودع على شطك .....
وشوشته بكل حكاياتى. ...........
يابحر وانا صغير. ..................
رميت فيك امنياتى. ...........
أحلامى .وأفراحى . واحزانى. ......
ابتساماتى وآهاتى.....................
فردت دراعاتى بطول المدد........
كنت فاكرك يابحر انت السند.......
ورميت الودع يابحر..............
رميته جوه احضانك. ........
كنت يابحر زى السجين جوه قضبانك......
كنت الهوى والعشق...........
عاشق .ومخلص لشطآنك. ........
كنت كل مأشوفك يابحر. .........
انادى ع الودع........................
كنت بتقولى يابحر .........
ماتخافش ياجدع. ............
حلم السنيين جوايا. .........
ولاعمرك راح تنخدع. ..........
وصدقتك يابحر....................
واديتك الأمان. ................
ماكنت اعرف يابحر. ..........
انك غدار زى الزمان. .........
فين الودع يابحر. ............
فين الحلم اللى كان. .........
كنت بغنيلك يابحر. .......
أجمل الالحان. ...............
كنت بحب موجك. .........
كنت بحب صوتك. ..........
كنت فيك العاشق الولهان. .......
فين الودع يابحر. ..............
فين الحلم اللى كان. .........
وفين صوتك يابحر. ........
وفين أحلام زمان. ...........
غشتنى ليه يابحر. ..........
غشتنى ليه يابحر...............
وعشمتنى بالخير..............
عيشتنى حلمى. ...........
وأنا طفل لسه صغيير. .....
ولما كبرت يابحر. .........
سرقت أحلامى. ...........
توهتنى فى موجك. ......
وسرقت أيامى. ........
وجاى تقولى يابحر .......
ارمى الودع تاااانى.........
فاكرنى لسه صغيير. .......
عمر اللى راح يابحر. ......
عمر اللي راح يابحر. ........
ماهيرجع فى يوم تانى. .....
شعر.شريف يحيي
ليست هناك تعليقات:
إرسال تعليق