حتي لا نغرق في بحر الأحلام الوردية
أثناء الدراسة
وبعد التخرج نصتدم بالواقع المر
متلومنيش
متلومنيش .............متلومنيش
أنا من حقي في زمني أعيش
ومتنسيش .........انه مفيش
وحبنا وحده ميكفيش
ميكفيش الحب لوحده
نزرع حلم ونقطف ورده
ازاي نبني لبكره وبعده
ونبعنا فاضي مبيرويش
متلومنيش ..متلومنيش
مش دا زمان الحب لوحده
يقدر يكبر فيه ويعيش
او ببساطه الناس يتقضوا
برغيف عيش مع جبنه قريش
كنا زمان يكفينا حصيره
ووابور جاز ولحاف وفتيله
لكن اليوم في العرف كبيره
وأنا مرضاش بالعجز أعيش
قبل اللوم وعتابك ليه
وقبل ميجرح ظلمك فيه
فكر لحظه معايا وقولي
ايه بإديك أو إيه بإديه
أنا شرقية وليا مداري
ومحال يخرج عنه مساري
انا ماملكش لوحدي قراري
مش دي حقيقه ....رد عليه
أنا من حقي يكون لي مكان
أآمن فيه من غدر زمان
ماستناش العطف يجيني
او تجرحني ايد الإحسان
يوم ورا يوم العمر يعدي
لا أمل لاح ولا صبر بيجدي
وأنا وياك ف الحلم الوردي
ما بنرساش علي بر أمان
مش علشاني ....لوحدي عشانك
إني بصارحك وبقولهالك
قبل أحلامنا ماتبني قصور
وتعشمنا بجنه وحور
لأجل أنا وأنت نعيش في النور
لادا زماني ولادا زمانك
أحمد محمود عوض سعيد
ليست هناك تعليقات:
إرسال تعليق