احساس ناطق فى عينيها ....
احساس بيقول دى حبيبتى ...
وعيونها دى هي مدينتى ...
وعيونها بحور بتودى ....
لبلاد الشوق هانعدى ....
وده ليل اسود مسترسل .....
على ضهرك قولت ده شعرك ....
ده حرير هندى وبيسحر...
ليه جمال فتان وبيأسر ...
وجمال حاجبك يتعاجب ...
من فوق رمشك انا حاجب...
على باب القلب انا حاجب...
ع الحكم فى اغلى قضية...
وده بؤك ولا ده نبق ...
وانا ادوب فى شفايفك دوب...
وفاضلى يومين وهادوب ...
سكران انا..انا..من خمرك ...
من خمرك انا سكران...
والخمرة يتلعب بيا...
والكاس تملى وتسقينى ...
لبحور الشوق عدينى...
ولشطك انا مشتاق...
لبحور الشوق شواق...
والموج هايم فى عينيكى...
وده ليل يقسى فلى حنية...
على شط بحوره حورية...
وجمال وعذاب واسيه...
ودموع غارقة فى حرمان...
والدنيا بتلعب بيا...
لياليا تقول ياأمان...
ياعذاب..ياانين ..ياحنان....
ياد موع ياسهر ياظنون....
وحبيبى بيقسى عليا...
دلونى اوام يانجوم...
انا باشكى من اللى كوينى...
وناسينى فى بحر انين....
ومقسى النوم عن عينى ...
ومضيع احلى سنين.....
شعر..شريف يحيى
ليست هناك تعليقات:
إرسال تعليق